L’an mil cinq cens quarante-six le vingt-deuxième jour de septembre, devant les tabellions d’Orbec fut present Pierres Neron, executeur des sentences cryminelles en ceste viconté, lequelle confesse avoir eu et receu de honnorable homme Thomas de Sainct-Aubin, recepveur du dommaine de cested. viconté absent, les cens cinq solz tournois contenus en l’autre part qui taxés luy avoient esté a prendre sur led. dommaine jouxtant et pour les causes contenus en l’autre part promectant led. Neron que jamaiz riens desd. cent cinq solz tournois ne sera demandé tant aud. recepveur que aultres, sur l’obligation de biens et heritaiges, etc... Presents Thomas Feret et Françoys Ourtheys tesmoins