De par le roy. Il est ordonné et très expressement enjoint aux prevost des marchans et eschevins
de la ville de Paris en faisant faire la reveue d’ordonner aux quarteniers de faire roolle des
lacquais capables de porter armes qui se trouveront dans les maisons et charger les maistres de les
envoyer sur le boullevar pour s’enrooller à peine aux maistres de cinq cens livres d’amende et des
gallaires contre les lacquais. Et à cette fin Sad. Majesté veut et entend qu’il soit depputté deux
conseillers de ville pour en faire l’enroollement et que le payement en soit faict par les bourgeois
et que la presente ordonnance soit leue et publiée à son de trompe et cry public à ce que personne
n’en pretende cause d’ignorance. Faict à Paris le VI^e jour d’aoust 1636.
LOUIS
DE LOMENIE (paraphe).