Texte original

Les gens des comptes du roy n(ost)re s(eigneur) a Paris et les co(m)missaires et generaulz gouv(er)neurs de toutes les finan(ces) dud(it) s(eigneur) tant en Langue d’oïl co(m)me en Langue d’oc, . . au bailli de Vermendois, aus receveur et procureur du roy n(ost)re s(eigneur) yllec, salut. Veues par nous les l(ett)res royaulz cy attach(ees) soubz l’un de noz signez, par lesqueles et pour les causes co(n)tenues en ycelles le roy n(ost)redit s(eigneur) a donné, cedé (et) transporté a mons(eigneur) le conte de Charrolois et a madame Michielle de France, sa compaigne, et a ch(asc)un d’eulz les chasteaulz, villes et chastellenies de Peronne, de Roye (et) Mondider, pour d’iceulz lieux, ensemble de touz les droiz, fruis, prouffiz, rentes, revenues et emolumens quelzconques que y avoit et povoit avoir ledit s(eigneur), tant en demaine (et) aides co(m)me aut(re)ment, joÿr (et) user plainement et paisibl(ement) jusques a ce que lesdiz conjoincts soient entierement paiez et contentez a une foiz de la so(m)me de CM escus a eulz deue de reste et aussi de certains joyaulx et estoremens a eulz promis et convencez par le roy n(ost)redit s(eigneur) au traictié de leur mariage, co(m)me plus a pl(ain) est contenu esdictes l(ett)res ; et pour considerac(i)on du contenu en ycelles, nous vous mandons, (et) a ch(asc)un de vous si co(m)me a lui app(ar)tiendra, que lesd(ictes) l(ett)res (et) le contenu en icell(es) vous ent(er)inez (et) acompliss(ez) de point en point selon leur forme (et) teneur, tout en la maniere que le roy n(ost)redit s(eigneur) le veult (et) mande par ycelles, pourveu que lesdiz seigneur (et) dame s(er)ont tenuz, tant qu’ilz tiendront lesd(ictes) villes (et) chastellenies, payer fiefz (et) aumosnes, gages d’officiers, rep(ar)ac(i)ons nec(essair)es (et) aut(re)s charges ordinaires accoustum(ees) d’estre payees sur lesd(ictes) villes (et) chastell(enies). Donné a Paris, le XIIe jour d’aoust, l’an mil CCCC (et) dix huit. Le Begue.

Soit en se limitant aux données factuelles :

1418, 12 août.

Lettres d’attache, délivrées par les gens des comptes et les gouverneurs des finances, enjoignant le bailli de Vermandois d’exécuter l’acte par lequel le roi cède au comte de Charolais et à son épouse Michelle de France les châtellenies de Péronne, Roye et Montdidier, jusqu’à ce que les revenus de celles-ci aient couvert le montant de la dot de Michelle, soit cent mille écus d’or, divers objets précieux et biens meubles, promis au traité de mariage, à charge toutefois pour eux de régler les dépenses ordinaires des châtellenies.