1488, 5 avril. Mandement de la reine Jeanne de Laval
Dossier 18
| Texte original | |
|
JEHANNE par la grace de Dieu royne de J(e)r(usa)lem,
de Sicille, (et)c., duchesse d’Anjou et de Bar,
contesse de Prouvence, de Forcalquier, de Pimont, (et)c., et dame de Saint Remy, a noz officiers dud. lieu de Saint Remy et a ch(ac)un d’eulx, salut. Veüe la supplicacion des sindics de n(ost)red. ville de Saint Remy atachee a ceste p(rese)nte et le contenu en icelle, vous mandons que faictes exprés commandement a maistres Jehan Bourceti et Bertran Deodati, notaires de lad. ville et co(m)missaires a la tauxacion et audicion des comptes et raisons a eulx co(m)mise et par eulx prinse et acceptee, dont en lad. supplicacion est faicte mencion, qu’ilz aient a parfaire et acomplir leurd. co(m)mission et tauxacion au solt et livre et sur les biens de tous les particuliers de lad. ville dedans ung moys sur peine de XXV marcs d’argent fin, ou qu’ilz aient a restituer ce qu’ilz ont eu de l’univ(er)sité de lad. ville a cause de lad. co(m)mission, et a y renu(n)cer. Et en cas d’opp(ositi)on, les parties ouyes et appellees briefvement et sans procés mes seullem(en)t la verité c(on)gneue, la cause t(er)minent et decident ainsi q(ue) congnoistront et verront estre aff(air)e. Donné a Masseille, le Vme jour d’avril l’an mil CCCC huitante sept. [Signé :] JEHANNE. Par la royne, le p(rocureu)r du Boulay ch(eva)l(ie)r et Jeh(a)n de la Jaille maist(re) d’ostel p(rese)ns. [Signé :] NIGON [seing]. |