De noble et puissant seigneur monseigneur Guillaume de Bricqueville, chevalier,
seigneur de Ausebosc et de Touffreville la Corbelline, au droit de noble et puissante
dame madame Jehenne Havart sa femme, tient et adveue a tenir Guillaume Le Sueur une
piece de terre contenant sept vergues, assise en la paroisse de Valiquierville ; jouxte d’un
costé Ambroise de La Court et ledit Guillaume Le Sueur, d’autre costé aud. Le Sueur et a
Pierres Le Myre, d’un bout au chemin perreux et d’autre bout aud. Le Sueur. Et de ce doit
audit seigneur de rente par chascun an au terme de Nouel ung cappon, au terme de
Pasques trente Å“ufz, quatre deniers. Item led. Le Sueur tient dud. seigneur une autre piece
de terre contenant deux acres, assise en icelle paroisse de Valiquierville ; jouxte d’un costé
aux hoirs Guillaume Bieurry, d’autre costé ausd. hoirs Bieurry et a icelluy Le Sueur, d’un
bout ausd. hoirs Bieurry, et d’autre bout a la rue de Asselinbosc. Et de ce doit de rente
aud. seigneur par chascun an au terme Saint Michiel dix neuf deniers. Et avecques ce doit
desdites deux pieces de terre reliefs, XIII^mes et aides coustumiers quant ilz escheent.

Baillee es ples de la seigneurie d’Auzebosc tenus aud. lieu par moy Guillaume
Desmarés, escuier, seneschal dud. fief, le dernier jour de juing l’an mil cinq cens que fut
receue, sauf a blasmer et assignation etc.

(Signé : ) G. Desmarés (paraphe).