|
A touz ceus qui cez presentes lettres verront, Robert Mauger, baillif de Borges,
saluz.
Sachent touz que nous por certene cause avons ostroié et doné licence a religieux home au
comandeur de la
meson dou Temple de L’Ormethyaut de fere une husserie ou une
posterne en une des archieres de leur celier d’Issodum qui est en leur meson assise sus les
murs de la cloeson de la ville d’Issodum,
e se tient ladite meson a la meson de La Vernuce
d’une part et aus mesons de l’eglise Saint Johan d’Issodum de l’autre part, sauve tant que,
se mestiers est por peril de
guerre ou por autre cause neccessaire au roy, que le roy et ses
gens puissent joĂŻr de ladite husserie ou posterne en
totes les manieres que il verront que
sera a fere et por la fere reclorre et estoper se bon leur est. Derechef avons accenssé, baillé
et ostroié par accenssement audit
comandeur ou non de ladite meson et a ses successeurs,
por doze deniers parisis de cens, une alee de toise et demie
de lé por yssir et por aller et
venir de celle husserie ou posterne par les fossez qui sunt davant ladite archiere
ou
marchié et ou cimetiere d’Issodum et aus autres leus que mestier leur seront, e por totes
leur autres esances qui seront neccessaires
au comandeur et aus habitanz de ladite meson,
paier chacun an les doze deniers parisis dessusdiz en l’andemain de Pâques,
sus poinne de
cinq sols por amende a Yssodum au prevost doudit leu ou a celui qui por le roy auroit
poer les
recevoir, sauve tant que, se ladite husserie ou posterne estoit reclose ou estopee,
que le devantdit cens cherroit et
seroit nul. Ou tesmoin et memoire de laquele chose nous
avons seellé cez lettres de nostre seau, et a greigneur
confirmacion les feymes seeller dou
seau de la prevosté d’Issodum. Ce fut fet en l’an de grace M CC quatre vinz diz et
huict, le
dymenche pruchen avant
la feste de Touz Sains.
|
