Introduction des cours Dossiers documentaires Bibliographies
1261, novembre. Acte sous le sceau d'un chevalier (Multien)
Notice   •   Fac-similé interactif   •   Texte et traduction•  Commentaire diplomatique
Dossier 23

Passer la souris sur le texte pour obtenir des commentaires de détail

Ego Thomas dictus Goulart de Osseriaco miles. Notum facio universis presentes litteras inspecturis quod ego concesserim et imperpetuum in manu mortua quittaverim viris religiosis abbati et conventui Karoliloci, Cisterciensis ordinis, Silvanectensis dyocesis, ac eorum monasterio duas terre pecias in territorio de Oisseriaco et in censiva mea sitas, a Guillelmo le Fauconnier, armigero, et domina Maria la Fauconnire, matre sua, ac Ermengarde, uxore ejusdem, dictis religiosis venditas, unam videlicet ad Spinam Henrici, quatuor arpenta et unum quarterium vel circiter ad arpentum illius territorii continentem, et aliam sitam juxta viam qua itur versus Aciacum, arpentum unum et dimidium vel circiter continentem ad arpentum supradictum, et ego tenear eisdem religiosis dictas duas pecias contra omnes imperpetuum garandire et ipsi religiosi sibi metuant ne a domino Guillelmo de Sancto Patusio terra prefata moveat ac per hoc ipsos valeat molestare, ergo me et heredes meos post me ad hoc obligo quod, si predictus miles dominus Guillelmus de Sancto Patusio super dicta terra calumpniam moveret vel inde modo quolibet dictos fratres aut eorum ecclesiam molestaret, ego et heredes mei post me teneremur ipsum Guillelmum compescere et heredes suos similiter et ab omni calumpnia dicte terre et juris cujuslibet in dicta terra cessare facere, sub pena centum librarum parisiensium me, si ab hoc deficerem, et heredes meos post me, si ab hoc deficerent, similiter astringendo, dictis abbati et conventui solvendarum. ut ratum et firmum permaneat, presentes litteras sigilli mei munimine roboravi.. Datum anno Domini M° CC° LX° primo, mense novembri