En la presence de moy , notaire et secretaire du roy nostre sire Jheronyme Paule et Jehan Marie de Pintour, de Venise, gentilzhommmes plaisans, ont confessé avoir receu comptant de m^e Jehan Duval conseiller dudict seigneur et trésorier de son Espargne la somme de deux cens vingt-cinq livres tournois en C escus d’or soleil a XLV s. t. piece, qui est à chacun d’eulx L escus soleil dont le roy nostred. seigneur leur a faict don en faveur du passe-temps et recreation qu’ilz luy ont nagueres donné en plusieurs mynes qu’ilz ont faictes et propos facetieux par eulx tenuz devant luy ou il a prins plaisir, de laquelle somme de II^c XXV l. tournois lesdictz Jheronyme Paule et Jehan Marie se sont respectivement tenuz contens et bien payez et en ont quicté et quictent ledit m^e Jehan Duval, tresorier susdict, et touz autres. Tesmoing mon seing manuel, cy mis à leur requeste, le IIII^e jour de mars, l’an mil cinq cens trente-neuf. BONACORSY