Omnibus presentes litteras inspecturis officialis Belvacensis salutem in Domino. Noverint universi quod in nostra constituti presentia Ricardus dictus de Gres de Sancto Felice et Aya ejus uxor et Eufemia eorum filia recognoverunt se imperpetuum vendidisse pro communi eorum utilitate ac necessitate abbati et conventui Sancti Geremari Flaviacensis quamdam peciam terre sementis quam habebant ex caduco Asceline de Amuchi, matertere dicti Ricardi, circiter sex minas continentem, sitam ante mesum de Amuchi dictorum abbatis et conventus, quam ab eisdem abbate et conventu tenebant ad campipartem, pro centum et decem solidis parisiensium sibi a dictis abbate et conventu plene et integre persolutis, ut ipsi Ricardus, Aya ejus uxor et Eufemia eorum filia coram nobis recognoverunt ; fidem coram nobis prestantes corporalem predicti Ricardus, Aya ejus uxor et Eufemia eorum filia, non vi nec metu ad hoc inducte sed mera et spontanea voluntate sua, ut asserebant, quod ipsi decetero ratione cujuscumque juris, et maxime dicta Aya ratione dotis, in terra redicta vendita per se vel per alium nichil reclamabunt vel facient reclamari, sed super eadem terra vendita dictis abbati et conventui contra omnes legitimam portabunt garandiam ; renuntiantes in hoc facto, fide data, excepcioni non numerate et non recepte pecunie et omnibus aliis excepcionibus et juris auxilio tam canonici quam civilis quod sibi contra presens instrumentum posset prodesse et dictis abbati et conventui prodesse [sic] In cujus rei testimonium, presentes litteras sigillo curie Belvacensis fecimus communiri. Actum anno Domini M° CC° XL° octavo, die lune post Jubilate.