Passer la souris sur les cercles rouges pour des commentaires de détail
Petrus de Ferrariis, miles domini nostri Franc’ et Navarre regis ejusque senescallus Xanctonensis et Engolismensis, discreto viro Guillelmo Amblardi, thesaurario regio Xanctonensi vel ejus locum tenenti, salutem. Patentes litteras regias recepimus in hec verba : “ Philippus, Dei gratia Francorum et Navarre rex, senescallo Xanctonensi aut ejus locum tenenti, salutem. Alias vobis mandavimus et iterato (precipiente districte mandamus) precipiendo districte mandamus quatinus castrum nostrum de Ruppella faciatis reparacione necessaria quam cicius reparari, et nos gentibus nostris presentibus [damus] in mandatis quatinus quicquid pro reparacione predicta vos ponere contigerit in vestris compotis allocent et de vestra recepta deducant ; scituri quod, si ob vestram negligenciam dictum castrum per deffectum reparacionis contigerit deteriorari, nos ipsum castrum vestris faciemus sumptibus reparari. Nolumus tamen quod (si) aliqua nova edificia faciatis ibidem. Datum apud Lochias, die XIIII maii, anno Domini M° CCC° vicesimo primo. ” Quarum auctoritate litterarum castrum regium de Ruppella faciatis reparacione necessaria reparari juxta continentiam et tenorem litterarum predictarum, sine aliquibus novis edificiis ibidem faciendo, prout in dictis litteris videbitis contineri. Datum Ruppelle, die dominica post festum Beati Martini yemalis, anno Domini M° CCC° vicesimo primo.
Passer la souris sur les cercles rouges pour des commentaires de détail
Petrus de Ferrariis, miles domini nostri Franc’ et Navarre regis ejusque senescallus Xanctonensis et Engolismensis, discreto viro Guillelmo Amblardi, thesaurario regio Xanctonensi vel ejus locum tenenti, salutem. Patentes litteras regias recepimus in hec verba : “ Philippus, Dei gratia Francorum et Navarre rex, senescallo Xanctonensi aut ejus locum tenenti, salutem. Alias vobis mandavimus et iterato (precipiente districte mandamus) precipiendo districte mandamus quatinus castrum nostrum de Ruppella faciatis reparacione necessaria quam cicius reparari, et nos gentibus nostris presentibus [damus] in mandatis quatinus quicquid pro reparacione predicta vos ponere contigerit in vestris compotis allocent et de vestra recepta deducant ; scituri quod, si ob vestram negligenciam dictum castrum per deffectum reparacionis contigerit deteriorari, nos ipsum castrum vestris faciemus sumptibus reparari. Nolumus tamen quod (si) aliqua nova edificia faciatis ibidem. Datum apud Lochias, die XIIII maii, anno Domini M° CCC° vicesimo primo. ” Quarum auctoritate litterarum castrum regium de Ruppella faciatis reparacione necessaria reparari juxta continentiam et tenorem litterarum predictarum, sine aliquibus novis edificiis ibidem faciendo, prout in dictis litteris videbitis contineri. Datum Ruppelle, die dominica post festum Beati Martini yemalis, anno Domini M° CCC° vicesimo primo.