Noverint universi me Petrum de Quadro, clericum, notarium regium, habuisse et integre recepisse ab honorabili et prudenti viro, domino thesaurario regio Ruthenensi, nomine domini nostri Franc' regis, octo libras turonensium parvorum, in quibus idem dominus thesaurarius, nomine dicti domini nostri regis, mihi tenebatur pro faciendo duas informationes, unam in loco Ville franche et aliam in loco Ville nove, de et super aquestis per innobiles a nobilibus personis et per ecclesias aut ecclesiasticas personas in temporalibus aquisitis de mandato discretorum virorum magistrorum Bernardi de Bernadone et Bernardi de Ecclesia, comissariorum in dicta senescallia super facto financiarum feodorum nobilium et aquestuum ecclesiarum deputatorum per magnificum et potentem virum dominum Petrum de Palude, militem, dominum Varambonis, senescallum Tholose et Albiensis, capitaneum et gubernatorem generalem in partibus occitanis per dictum dominum nostrum regem destinatum, et mihi per dictos magistros [taxatas] ratione dietarum per me in faciendo dictas informationes taxatas virtute quarumdam litterarum dicti domini capitanei in dicta taxatione contentarum. De quibus octo libris dicte monete ipsum dominum nostrum regem et dictum thesaurarium solvo penitus atque quitto. In cujus rei testimonium, sigillum meum hiis presentibus literis duxi apponendum. Datum apud Villam francham die nona junii, anno Domini M° CCC° XL°.