Passer la souris sur le texte pour obtenir des commentaires de détail
(Croix) In nomine sancte et individue Trinitatis, amen. Ego Odo, dominus castri Hamensis, notum fieri volo presentibus et futuris quod ecclesia Premonstratensis quandam silvam habebat, que vulgo Concis vocatur, in territorio de Gollencurt, in qua sibi dominum Lancelinum patrem meum assotiavit ad quartum denarium si eam aliquando vendere vellet prefata ecclesia. Post mortem vero ejusdem Lancelini, ego Odo, filius ejus, illum quartum denarium indulsi prefate ecclesie et ipsam terram ad extirpandum et excolendum in perpetuum ad nonam garbam, salva decima et secatione, eidem ecclesie reddidi, assensu uxoris mee Elisabeth et fratrum meorum Gerardi, Symonis, Lancelini clerici, et liberorum meorum Odonis, Gaufridi, ita quod eadem ecclesia assotiavit me et heredes meos similiter ad nonam garbam in terra Lamberti, in qua prius nichil habueram nec predecessores mei. Statutum est etiam quod, si deinceps eadem ecclesia aliquam silvam in territorio de Gollencurt adquisierit et extirpaverit, ibidem simili modo nonam garbam habebo ; sed in terra ab antiquo exculta, si eadem ecclesia eam adquisierit, nullum mihi jus vendicare potero. Cum autem secationis tempus advenerit, una die antequam secet nuntiabitur mihi, ut pro parte mea mittam servientem meum ; quem si mittere noluero, veritati fratris qui messores custodierit vel famulo ejusdem fratris, si frater defuerit, debebo credere de partis mee quantitate ; quod si ipsum famulum de infidelitate suspectum habuero, eum ad juramentum super sancta potero compellere, et ab ipso vel a fratribus exinde nichil amplius exigere. Fratres etiam prefate ecclesie garbam meam ducent ad Gollencurt si voluero vel, si mihi magis placuerit, in grangia sua Bonolii sub certo testimonio et certa computatione collocabunt, et usque ad festum omnium sanctorum facient triturari, et granum ducent Hamum, forragium sibi retinentes. Huic concessioni et donationi interfuerunt testes Guillelmus de Vilete, Rainerus de Mateni, Symon Rattus, Petrus del Pleissei. Ut igitur hec concessio et donatio rata permaneat et inconvulsa, presentem paginam sigilli nostri impressione communire curavi. Actum anno incarnati Verbi M° C° LXXVII°.
(Croix) In nomine sancte et individue Trinitatis, amen. Ego Odo, dominus castri Hamensis, notum fieri volo presentibus et futuris quod ecclesia Premonstratensis quandam silvam habebat, que vulgo Concis vocatur, in territorio de Gollencurt, in qua sibi dominum Lancelinum patrem meum assotiavit ad quartum denarium si eam aliquando vendere vellet prefata ecclesia. Post mortem vero ejusdem Lancelini, ego Odo, filius ejus, illum quartum denarium indulsi prefate ecclesie et ipsam terram ad extirpandum et excolendum in perpetuum ad nonam garbam, salva decima et secatione, eidem ecclesie reddidi, assensu uxoris mee Elisabeth et fratrum meorum Gerardi, Symonis, Lancelini clerici, et liberorum meorum Odonis, Gaufridi, ita quod eadem ecclesia assotiavit me et heredes meos similiter ad nonam garbam in terra Lamberti, in qua prius nichil habueram nec predecessores mei. Statutum est etiam quod, si deinceps eadem ecclesia aliquam silvam in territorio de Gollencurt adquisierit et extirpaverit, ibidem simili modo nonam garbam habebo ; sed in terra ab antiquo exculta, si eadem ecclesia eam adquisierit, nullum mihi jus vendicare potero. Cum autem secationis tempus advenerit, una die antequam secet nuntiabitur mihi, ut pro parte mea mittam servientem meum ; quem si mittere noluero, veritati fratris qui messores custodierit vel famulo ejusdem fratris, si frater defuerit, debebo credere de partis mee quantitate ; quod si ipsum famulum de infidelitate suspectum habuero, eum ad juramentum super sancta potero compellere, et ab ipso vel a fratribus exinde nichil amplius exigere. Fratres etiam prefate ecclesie garbam meam ducent ad Gollencurt si voluero vel, si mihi magis placuerit, in grangia sua Bonolii sub certo testimonio et certa computatione collocabunt, et usque ad festum omnium sanctorum facient triturari, et granum ducent Hamum, forragium sibi retinentes. Huic concessioni et donationi interfuerunt testes Guillelmus de Vilete, Rainerus de Mateni, Symon Rattus, Petrus del Pleissei. Ut igitur hec concessio et donatio rata permaneat et inconvulsa, presentem paginam sigilli nostri impressione communire curavi. Actum anno incarnati Verbi M° C° LXXVII°.