Introduction des cours Dossiers documentaires Bibliographies
842, 31 août. Acte royal (XIIe siècle, copie de cartulaire)
Notice   •   Fac-similé interactif   •   Texte et traduction•  Commentaire diplomatique
Dossier 69

Passer la souris sur les cercles rouges pour des commentaires de détail

[I]n nomine sanctæ et individue Trinitatis Karolus gratia Dei rex. Regalis celsitudinis moris est fideles suos donis multiplicibus et manentibus honoribus honorare atque sublimare. Proinde morem parentum, regum videlicet predecessorum nostrorum sequentes, libuit celsitudini nostre quendam fidelem virum, Roclinum nomine, de quibusdam rebus nostræ proprietatis honorare atque in ejus juris potestatem liberalitatis nostræ gratiam conferre. Idcirco noverit experientia atque industria omnium fidelium nostrorum tam presentium quam et futurorum quia concedimus eidem fideli nostro, Roclino nomine, ad proprium quasdam res juris nostri sitas in comitatu Avalense, in villa nuncupata Dornetiaco, id est mansa viginti duo, sine ecclesia, cum mancipiis, terris, vineis, silvis, pratis abjacentiis, aquis aquarumve discursibus vel quantumcumque ad predictos mansos aspicere videtur. Has res cum omni integritate memorato predictoque fideli nostro Roclino ad proprium per hanc nostre actoritatis conscriptionem concedimus et de nostro jure in jus hac potestatem illius sollemni donatione transferimus, ita videlicet ut quicquid ab hodierna die et tempore exinde pro sua utilitate ac commoditate jure proprietario facere voluerit, liberam et firmissimam in omnibus habeat potestatem faciendi. Et ut hæc nostræ largitionis atque donationis auctoritas perpetuam obtineat firmitatem, eam manus nostræ propriæ subterfirmavimus et anuli nostri inpressione sigillari decrevimus. Signum Karoli (monogramme) gloriosissimi regis. Deormarus notarius advicem Hludovici recognovit. Data pridie kalendas septembris, indictione V, anno III regnante Karolo glorioso rege. Actum Castellione super fluvium Dornonia. In Dei nomine feliciter. Amen.